चन्द्र हसला होता गालात
अन चांदणे सांडले होते...
मन माझे माझ्याशी तेव्हा,
करवादून भांडले होते...!
आठवांचा पूर येता
वेदनेचा डोंब उसळला...
हिशोब न जाणताच मी,
गणित प्रेमाचे मांडले होते...!
...मन माझे माझ्याशी तेव्हा,
करवादून भांडले होते...!
सुखाचे वावडेच असावे
असे माझे जगणे नव्हते
जवाएवढ्या सुखाला माझ्या
पण जाणिवेने कांडले होते...!
...मन माझे माझ्याशी तेव्हा,
करवादून भांडले होते...!
कोणत्याही टिप्पण्या नाहीत:
टिप्पणी पोस्ट करा