गुरुवार, २८ मार्च, २०१३

नक्की...!

 
लेखणीला माझ्या भावनांची
 
ओळख इतकी पक्की आहे
 
'विवेक' लिहिता 'आवेग' उमटेल
 
अेवढे अगदी नक्की आहे…!
द्वारा पोस्ट केलेले येथे कोणत्याही टिप्पण्‍या नाहीत:

रविवार, २४ मार्च, २०१३

वीण…!

 
कोलाहल खूप झाला
 
श्वास कोंडू लागे
 
वीण सुटू लागता
 
उसवतात रोज धागे…!
द्वारा पोस्ट केलेले येथे कोणत्याही टिप्पण्‍या नाहीत:

गुरुवार, २१ मार्च, २०१३

नशा...!

 
कुणाला श्वासाची
कुणाला ध्यासाची
कुणाला नशा लागे
आंधळ्या भक्तीची
 
जागेपणी निद्रिस्त
मुक्त तरी बंदिस्त
जगण्याला शिक्षा
भोगण्याच्या सक्तीची...!
द्वारा पोस्ट केलेले येथे कोणत्याही टिप्पण्‍या नाहीत:

बुधवार, २० मार्च, २०१३

शिमगा…!

 
सुबुद्ध आणि सुज्ञ
भरडीले अनंत
मदांध प्रजा
संत म्हणते...
 
अध्यात्माचा सूर
अनास्थेचा पूर
अपार तृष्णेची
खंत कण्हते…
द्वारा पोस्ट केलेले येथे कोणत्याही टिप्पण्‍या नाहीत:

सोमवार, १८ मार्च, २०१३

शृंगार...!

 
जगण्याचे होता ओझे
 
झुगारावे मीच मजला
 
शृंगारच जिथे माझा
 
चितेवर रोज सजला…!
द्वारा पोस्ट केलेले येथे कोणत्याही टिप्पण्‍या नाहीत:

बुधवार, १३ मार्च, २०१३

पाय...!

 
रंगरूप दिसती वेगळे तरी
 
जन सारे एकाच जातीचे
 
प्रतिमा भासती भिन्न परी
 
पाय सगळ्यांचे मातीचे…!
द्वारा पोस्ट केलेले येथे कोणत्याही टिप्पण्‍या नाहीत:

रविवार, १० मार्च, २०१३

रोग…!

 
भोपळा भ्रमाचा
 
भंगूनही फुटे ना
 
रोग हा भोगाचा
 
भोगूनही सुटे ना…!
द्वारा पोस्ट केलेले येथे कोणत्याही टिप्पण्‍या नाहीत:

सोमवार, ४ मार्च, २०१३

माया…!

 
ज्ञान-भान-जाण-प्रज्ञा
 
कित्येक जन्म जागविते
 
मोह-माया-भोग-इच्छा
 
जन्मोजन्मी नागविते…!
द्वारा पोस्ट केलेले येथे कोणत्याही टिप्पण्‍या नाहीत:
याची सदस्यत्व घ्या: पोस्ट (Atom)