सोमवार, २८ मे, २०१२

केवडा...!


केवळ नजरभेटीने विरघळला

विरहाचा डोंगर एव्हढा

मल्मली स्पर्शाच्या मोहराने

केवडा फुलला केव्हढा...!
द्वारा पोस्ट केलेले येथे कोणत्याही टिप्पण्‍या नाहीत:

शनिवार, २६ मे, २०१२

अजूनही


काळोख दाटला फार तरी

अंगाई अजूनही जोजविते

तप्त दग्ध ग्रीष्म दुपारी

तळे जलपर्णी सोसविते...
द्वारा पोस्ट केलेले येथे कोणत्याही टिप्पण्‍या नाहीत:

बुधवार, १६ मे, २०१२

निलाजरी...!


बेदरकार अन कोडगी

निलाजरी प्रवृत्ती

कांचनाच्या झळाळीत

विवेकाची निवृत्ती...!
द्वारा पोस्ट केलेले येथे कोणत्याही टिप्पण्‍या नाहीत:

सोमवार, १४ मे, २०१२

प्रीतीबिंब...!


समुद्र तोच, तोच किनारा

आभाळही तेच हवे

कातरवेळी तुझ्या कुशीत

प्रीतीबिंब नित्य नवे...!
द्वारा पोस्ट केलेले येथे कोणत्याही टिप्पण्‍या नाहीत:

रविवार, १३ मे, २०१२

मोहर...!


सोड हट्ट मोड जरा बाणा

हा क्षण पुन्हा उद्या नाही

जमेल तुलाही मोहरणे

जगावेगळी ती कला नाही...!
द्वारा पोस्ट केलेले येथे कोणत्याही टिप्पण्‍या नाहीत:

शनिवार, १२ मे, २०१२

दे...!


शब्द शब्द वेचू दे

क्षण क्षण भिजू दे

दृष्य नाद स्पर्श गंध

जाणीवा सा-या रुजू दे...!
द्वारा पोस्ट केलेले येथे कोणत्याही टिप्पण्‍या नाहीत:

शुक्रवार, ११ मे, २०१२

प्रच्छन्न...!


मातीचा गंध नाही

मोहविणारा छंद नाही

प्रच्छन्न दांभिकता अन

अपेक्षांना धरबंध नाही...!
द्वारा पोस्ट केलेले येथे कोणत्याही टिप्पण्‍या नाहीत:

गुरुवार, १० मे, २०१२

भक्क...!


शब्दबंबाळ कर्कश्श

गच्च भरलेला दिवस

संथ संध्याकाळी उगवणारी

भक्क चंद्रहीन आवस...!
द्वारा पोस्ट केलेले येथे कोणत्याही टिप्पण्‍या नाहीत:

शनिवार, ५ मे, २०१२

का...!


ना मोहवी आताशा

मंद दरवळता मोगरा

बोलतो नेहमीचेच तरी

आवाज का घोगरा...!
द्वारा पोस्ट केलेले येथे कोणत्याही टिप्पण्‍या नाहीत:

मंगळवार, १ मे, २०१२

दीन...!


आगतिक असेल मन

पण निराश नाही...

रुद्ध विषादाने खिन्न

तरी हताश नाही...!
द्वारा पोस्ट केलेले येथे कोणत्याही टिप्पण्‍या नाहीत:
याची सदस्यत्व घ्या: पोस्ट (Atom)